ماشى يا ابن العفريته

ماما انا هادخل انام ابقى صحينى الساعة 12

ليه ؟ هاتصحى تذاكر

لأ هاروح الدرس

درس الساعة 12 ايه الدرس السوارية ده

اعمل ايه فى بابا يعنى مش هو اللى مصمم اخد درس الفيزيا عند 2 مدرسين ما لقيتش ميعاد فاضى الا ده

يا حبيبى ما هو نفسه تجيب مجموع كبير

ماشى يا ماما ادينى باحاول لما اشوف اخرتها ايه بس انا نفسى افهم هو انا لو ما جيبتش مجموع و دخلت هندسة هادخل النار يعنى

يا ابنى ابوك امله فيك كبير نفسه يشوفك مهندس قد الدنيا

طب حاضر انا داخل انام و ما تنسيش تصحينى

ماشى يا حبيبى

صحى حسام و راح الدرس و قعد مع اصحابه شوية بعد الدرس و راجع البيت الساعه 4 الفجر و هو قرفان و عمال يشوط اى حاجه تيجى فى وشه حتى لقى لمبه مرمية فى الارض شاطها خبطت فى حجر و فجأه لقى حد بيطلع من اللمبه

[ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]

بسم الله الرحمن الرحيم ايه ده بقى انا كنت عارف ان اخرتى هاتجنن

كابتن يا كابتن

طبعا حسام طلع يجرى بأقصى سرعه بس على مين لقى الأخ اللى طلع من اللمبه واقف فى وشه

بتجرى ليه يا عم انت ما تستنى

بسم الله الرحمن الرحيم . انت عايز منى ايه

مش عايز حاجه انت اللى لو عايز اى حاجه اعملها لك

هو انت عفريت مش كده

امال دكتور سنان اه عفريت بس ما تخافش انا عفريت طيب و هانفذ لك اللى بتحلم بيه كله

تنفذ ايه . يعنى من غير ما تزعل منى انت لو جامد و تقدر تنفذ لى طلباتى ايه اللى كان مقعدك جوه اللمبة

يا عم انتوا السبب منكم لله
احنا مين

البنى ادمين عليكم العاب تجيب الضغط . الواد ابن عمى كان فى شغل عندكم و لقاكم بتلعبوا لعبه اسمها الشايب و عجبته قوى و من ساعتها بسخافة دم اهله كل ما نتجمع يلاعبنا الشايب و النهارده حكموا عليا يحبسونى فى اللمبه

يا راجل !! هو انتوا بتلعبوا زينا

و ما نلعبش ليه هو احنا ما لناش نفس نفرفش زيكم يعنى

خلاص حقك عليا ما تزعلش
و لا يهمك ما قلتليش بقى اسمك ايه

اسمى ايه ؟ هو انتوا مش بتعرفوا كل حاجه

انت اهبل . هو انا موظف من السجل المدنى عشان اعرف اسمك الله يخرب بيت الأفلام اللى جابت لكم تخلف عقلى

الله هو انتوا مش بتبقوا عارفين اسم الواحد و اسم امه كمان
اه اصل انا الدايه اللى ولدت الست الوالده و بعدين انا مالى باسم امك هو انا هاطلع لك بطاقه ما تقول اسمك و تخلصنى

ماشى يا سيدى . اسمى حسام

طب يا حسام نفسك فى ايه بقى احققه لك

انت بتتكلم جد هاتحقق لى اللى نفسى فيه

لأ طالع اهزر معاك يا ابنى اخلص عندى شغل الصبح مش فاضى لك . دى ليلة ايه السودا دى بس يا رب

خلاص من غير ما تتنرفز بس الأول قولى هو انت اسمك ايه

يا دى النيله على السؤال الرخم ده بص ياض انت اسمى شحطور و على الله تتريق

ههههههه ايه الاسم الغريب ده

على اسم جدى يا رخم . خلصنى بقى و قولى طلباتك خلينى انفذها و اروح

حاضر عايز انجح فى الثانوية العامة و اجيب مجموع كبير

لأ ماليش فيه
مالكش فيه ازاى انت مش قولت لى اطلب

كله الا الموضوع ده

ليه بقى ان شاء الله

بص يا حسام المنطقة دى محرمة

ازاى يعنى
هاقولك . بقى فيه وزير عندكم اللى هو بتاع التربية و التعليم ده اسمه ايه

يسرى الجمل

اسم الله عليك . يسرى الجمل ده بقى عمل ايه راح لابو رشا

مين ابو رشا ده

ده اكبر دجال عندكم و ابو رشا ده مسخر شمهورش بذات نفسه و انت ما تعرفش شمهورش بقى ما بيتفاهمش واخد علينا كلنا عهد ان ماحدش فينا يتدخل فى موضوع الثانوية العامة ده

يعنى ايه مش هاتقدر تنجحنى

يا ابنى ما اقدرش اتكلم فى الموضوع ده اصلا ده السنة اللى فاتت واحد من عندنا حاول يتدخل و يسهل الامتحانات
شوية راح شمهورش ساحب منه قوته كلها و من ساعتها و هو مش لاقى شغل مع اى دجال نص كم حتى . اصل بينى و بينك كده يسرى الجمل مظبط ابو رشا جامد فلوس بقى و كده يعنى

طب خلاص نشوف حاجه تانية

ماشى يا سيدى أأمرنى

الزمالك ياخد الدورى و الكاس و بطولة افريقيا و كاس العالم للأندية

ايه يا ابنى اهدى شوية كل دى بطولات عايزين تاخدوها

اه فيها ايه يعنى

مش هاقدر طبعا

ليه بقى ان شاء الله اوعى تكون اهلاوى يا شحطور

اهلاوى ايه انا ماليش فى الكورة اصلا

امال ايه مش عايز ليه تحقق لى طلبى

تصدق و تأمن بالله جوز عمتى بقاله 3 سنين ماسك موضوع الزمالك ده و مش عارف يخلصه

ليه ان شاء الله

اصل اكتشفنا ان احمد شوبير عامل لكم عمل متعلق على شنب صرصار و بعيد عنك فى 3 الاف عفريت زى الورد من عندنا بيدوروا على الصرصار ده فى بلاعات مصر كلها و ماحدش فيهم عرف يوصله لحد دلوقتى

يعنى ايه مش هانكسب

و الله جوز عمتى غلب ده حتى فكر انه يعمل مسابقة و يقدم جايزة للى يلاقى الصرصار اصل ممدوح عباس عنده استعداد يدفع جامد للى يحل له موضوع الصرصار ده

هو انت مش فالح فى اى حاجه كده انا كنت حاسس انك هاتطلع زى عفروتو فى الأخر

ايه ده هو الواد عفروتو اخويا بيسيب المدرسة من ورانا و بينزل يشتغل عندكم

اخوك مين انا قصدى على المسرحية

بتاعة محمد هنيدى
انت شوفتها

شوفتها . دى المسرحية دى جابت عقدة لعفروتو اخويا

انت اخوك اسمه عفروتو يا شحطور

اه اخر العنقود و دلوعة العيله كلها تصدق يا حسام عفروتو ده كان زى الفل لحد ما المسرحية الزفت دى اتذاعت عندنا من ساعتها و اصحابه بيعيروه و كل شوية يقولوا له زى حسن حسنى يا ابو جنيه و ربع يا معفن لحد ما الواد اتعقد
طب و عملتوا ايه

ابويا كان ناوى فى عيد ميلاده اللى فات يسخط له هنيدى و حسن حسنى قرود و يجيبهم له فى قفص . بس الدكتور اللى بيعالج عفروتو قاله بلاش سيبه هو ياخد حقه منهم بايده لما يكبر و ادينا مستنين

يا سلام

انت مش مصدقنى
بصراحه كده مش مصدقك

طب انت عارف التانى اللى كان معاهم فى المسرحية ده اللى اسمه احمد السقا

اه ماله هو كمان

اهو الفيلم الاخرانى بتاعه احنا اللى سقطناه له

ليه
مش قعد يقول فى المسرحية البت عفرته اتمسكت فى طريق الطالبيه ابو ظبى فى عربيه سرفيس

اه و فيها ايه يعنى

فيها ان عفرته بنت خالتى ساعتها كانت عندكم بتقضى مصلحه فى الطالبيه و خالتى اول ما شافت المسرحية كلمت البت لقت الموبايل مقفول اتخضت و راحت فيها راح جوز خالتى حلف يوقع له افلامه كلها من ساعتها
انت هاتسرح بيا يا عم انت

انت مش مصدقنى و لا ايه

لأ مش مصدقك بقى

طب انا هاخليك تصدق

ازاى يعنى
يا نهار اسود ايه ده

ادينى سخطتك كلب اهوه عشان تصدق

شحطور انت قولت انك طيب حرام عليك رجعنى ابوس ايدك

الله مش انت اللى عمال تقاوح فيا
طب و حياة عفروتو ترجعنى بنى ادم تانى يا رب يخف و يبقى كويس

يخرب بيتك انا اتأخرت على الشغل

شحطور رجعنى و النبى قبل ما تروح

طب خلاص

ادينى رجعتك بنى ادم تانى اهوه على الله تقاوح مع العفاريت تانى انا ماشى بقى مع السلامه

انت مش قولت لى هاتحقق لى طلب قبل ما تمشى

طب ما انا حققت لك الطلب انت مش قولت لى رجعنى بنى ادم تانى و ادينى رجعتك صدقنى دى اهم حاجه . احمد ربنا على انه كرمك و خلاك بنى ادم و اداك عقل و فوق كل ده و ده انعم عليك بنعمة الاسلام . سلام يا مان على ميسدات بقى
[ندعوك للتسجيل في المنتدى أو التعريف بنفسك لمعاينة هذه الصورة]

[/right]

ايه الدوشه الجميله دي يادوشه[ندعوك للتسجيل في المنتدى أو التعريف بنفسك لمعاينة هذه الصورة] قصدى ياحنان

ههههههههههههههه
موضوع فعلا حلو..ياريت يطلع لي شحطور ده
وبعد مافوق من الخضة [ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذه الصورة]هاطلب منه شويه
طلبات حلوين..طبعا مش هاقولك[ندعوك للتسجيل في المنتدى أو التعريف بنفسك لمعاينة هذه الصورة]

هههههههههههههه
كوميديه اخر حاجه بجد هايل والاسلوب يشد فعلا
فكرتيني بدرس الفرنساوى كان بليل اوي برضه علشان مافيش معاد بالنهار
لا وفعلا كان الدور اللى تحت فيه شقه مسكونه هههههههههه
سبحان الله بس مالقتش لمبه ولا عفريت
تسلم ايدك يا قمر مواضيعك كلها هايله

[ندعوك للتسجيل في المنتدى أو التعريف بنفسك لمعاينة هذه الصورة]
بيحسدوني لما بضحك وبيقولولى اه يا بختك..ناس كتير حوليك تحبك وواقفه جنبك..بيحسدوني من بعيد من غير ماحتى يقربوا مني يشوفوني..يشوفوا شايل ايه فعيوني لما بضحك
انا خدت ايه مالدنيا ديه؟صحاب كتير أحباب شويه..أمسح دموع تنزل دموع تحرق عنيه
BASSAM MARIA

الدوشة المرة دى روعة يا حنان
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة] عروســـــــــــ المنتــــــــــــدى ـــــــــــــة [ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

جميل موضوعك يا حنان
مدونة جميلة ... وحسيت بالبهجة وانا بقرأ موضوعك

تحياتى

عفروتووووووووووووو
ههههههههههههههههه

مشكورة حنان على الموضوع الجميل

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة] thanks LAYALLY

مدونتك جميلة يا حنان وموضوعاتك جميلة

منتظرة المزيد والجديد [ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

HEHEHEHEHEH

hhhhhh
gamda gdan
tslam adek bgad t07fa

هههههههههههههههه
حلوة آخر حاجة يا حنان
مشكورة على الجمال ده
ومنتظرين الجديد

[ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]

[center][ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة] [/center]

منورين المدونة والتوبيك
بجد انا مبسوطة كتير ان اختياراتى فى الكتابة عاجباكم
تقبلوا تحياتى لكم جميعا

مدونه هايله فعلا
دوشه على حق
هههههه
ميرسي للمجهود

[ندعوك للتسجيل في المنتدى أو التعريف بنفسك لمعاينة هذه الصورة]
بيحسدوني لما بضحك وبيقولولى اه يا بختك..ناس كتير حوليك تحبك وواقفه جنبك..بيحسدوني من بعيد من غير ماحتى يقربوا مني يشوفوني..يشوفوا شايل ايه فعيوني لما بضحك
انا خدت ايه مالدنيا ديه؟صحاب كتير أحباب شويه..أمسح دموع تنزل دموع تحرق عنيه
BASSAM MARIA