هو معاك حق بجد فى طرح الموضوع ده

لان دلوقتى فيه كتير بيشيل ايده بحجج كتير اوى

واصبحت المساعدة بينا وبين بعض قليلة

مش هكدب عليك لما اقولك انى لما بشوف فيلم من افلامنا الابيض والاسود

وفيه جانب من الجوانب الاجتماعية دى زى ان واحد يقع فى ورطة مثلا وناس كتير تساعده

دى كانت حاجات بنتباهى بيها فى افلامنا فى الاول

اصبحت مش موجودة الا قليل اوى دلوقتى
ولو اتذكرت فبتكون على سبيل نقد التغير اللى حصل فى مجتمعنا
بمعنى ان لو حد ساعد التانى بيروح ورا الشمس

وده بسبب عوامل كتير بنتعرضلها
انا بتمنى فعلا اننا نرجع نحب بعض من تانى
لان بجد حصل تغير كبير فى علاقتنا مع بعض كشعب واحد
تحياتى مرية

حلقة حلوة كتير بسام

وبجد بجد انا ملاحظة اننا مابقناش زى زمان فى حاجات كتير


ومنها موضوع الحلقة بتاعتك ... بقينا مش بنخاف على بعض زى الاول

ولا بنحب بعض زى ما كوين قالت وده اكيد مأثر فى تعاملاتنا بينا وبين بعض

واتمنى بجد نرجع تانى نخاف على بعض

هى مشكلة حقيقية موجودة فى حياتنا دلوقتى

وده ظهر لما اتعرضت الجماهير المصرية فى السودان للضرب والاهانة من الجزائريين

فلما اتكلم من الناس اللى تعرضوا للاعتداءات فى السودان

قالوا انهم حسوا من تانى باحساس اللمة اللى كانت غايبة جوانا كمصريين

وزى ما انت قولت يا بسام فى بداية الحلقة ان شعبنا طيب وفيه صفات حلوة مش موجودة فى شعوب كتير سواء شعوب عربية او اجنبية

الا ان الظروف الصعبة والضغوط خليتنا ننسى نفسنا وننسى بعض

حلقة جميلة بسام
تقبل مرورى

هل في مجتمعنا الأن نساعد بعض مثل الماضى
هل إذا رأيت شخصا ملقى بالأرض سوف تفعل مثل زمان
تحمله على كتفك وتجرى به إلى أقرب مستشفى
بالطبع لا
لأنك وبكل بساطه سوف تدخل في دائرة أتهامات وشك من قبل الجميع
وهل لك صله بما حدث له أم لا
وبعد فترة طويله من الأسئله والأهانات سيكتشفو انك بالفعل كنت فاعل خير
ولكن
سيعلمك هذا درسا قاسيا لن تنساه
أنك إن وجدت شخصا مره أخرى إياك أن تساعده
وتمر الأيام وتحاول نسيان ماحدث
وتقول جملتنا المصريه الشهيره
أعمل الخير وأرميه البحر



هو ده اللى بيحصل
وبالرغم من كده انا متفق مع اللى علقوا قبلى
اننا اتغيرنا كتير

واى كانت الاسباب فهى اثرت علينا بشكل ملحوظ

انا عن نفسى بساعد برضه وبسيبها على الله

اه والله يا بسام

الغريزة بتحكم

وصفة المساعدة دى فينا متأصلة

الا فئة بيبقوا بايعين القضية خالص ولا يهمهم حد يقع فى مشكلة

ودول بيبقوا جاحدين اوى

لكن الصفة الغالبة عندنا هى الطيبة وبنصعب على بعض

بس بالرغم من كده انا ملاحظة ان ضغوط الحياة مأثرة علينا وعلى حبنا لبعض